Տեղեկություն ՄԻՑԿ ՀԿ ՄԱՍԻՆ

ՄԵՐ ՊԱՏՄՈՒԹՅՈՒՆԸ ԵՎ ԱՌԱՔԵԼՈՒԹՅՈՒՆԸ

_<<Մարդու իրավունքների և Ցեղասպանագիտության կենտրոն_>> (ՄԻՑԿ) Հասարակական կազմակերպությունը հիմնադրվել է 2018 թվականի սեպտեմբերի 11-ին Հայաստանում։

Կազմակերպության գործունեության հիմնական նպատակն է՝ գիտության զարգացման միջոցով նպաստել աշխարհում ցեղասպանությունների, զանգվածային վայրագությունների և մարդու իրավունքների խախտումների կանխարգելմանը, վերացմանը և ճանաչմանը։

<<Մարդու իրավունքների եվ Ցեղասպանագիտության կենտրոն>> Հասարակական Կազմակերպությունը Հայաստանում գործող առաջին շահույթ չհետապնդող կազմակերպությունն է, որը ուսումնասիրում է ոչ միայն Հայոց ցեղասպանությունը այլ նաև տարբեր երկրներում տեղի ունեցած ցեղասպանությունների պատմությունը՝ դրանով իսկ խթանելով հասարակության մոտ կրթության և իրազեկության բարձրացմանը մարդու իրավունքների պաշտպանության և ցեղասպանության դեմ պայքարում։

ՄԵՐ ԱՐԺԵՔՆԵՐՆ ՈՒ ՍԿԶԲՈՒՆՔՆԵՐԸ

Անկախություն, Թափանցիկություն, Բարեխղճություն, Պատրաստակամություն, Անձանց իրավունքների պաշտպանության առաջնայնություն, Խտրականության բացառում, Անձանց իրավունքների եվ ազատությունների գերակայություն, Պայքար բռնությունների դեմ:

ՄԵՐ ՏԵՍԼԱԿԱՆԸ

Ունենալ առավել իրազեկ և իրավագիտակից երիտասարդություն և քաղաքացիական հասարակություն, որտեղ յուրաքանչյուրը տիրապետում և պաշտպանում է իր հիմնական իրավունքները և ազատությունները, առավել պաշտպանված է մարդկության դեմ իրականացվող բռնություններից և հանցագործություններից, աջակցել այնպիսի հասարակության կայացմանը, որը դատապարտում է և պատրաստ է կանխել իր դեմ իրականացվող բռնությունները, ընդհուպ մինչև` ժամանակակից ցեղասպանությունները

ՄԵՐ ՆՊԱՏԱԿՆԵՐԸ

• Նպաստել հասարակության լայն շերտերի մոտ մարդու իրավունքների պաշտպանության, ինչպես նաև կոնֆլիկտների, ցեղասպանությունների և վերջիններիս կանխարգելման վերաբերյալ տեղեկատվության բարձրացմանը,
• Աջակցել հասարակության խոցելի խմբերի իրավունքների պաշտպանությանը(փախստականներ, դատապարտյալներ, սահմանամերձ բնակչություն, կանայք, առանց ծնողական խնամքի մնացած երեխաներ և այլն)
• Նպաստել մարդկային կյանքի անվտանգության, կայուն և խաղաղ զարգացմանը՝ անկախ նրանց խմբային (ազգային, էթնիկական, ռասայական, գենդերային և այլն) պատկանելիությունից,
• Հայաստանի Հանրապետությունում ստեղծել և զարգացնել մարդու իրավունքների և ցեղասպանագիտության միջազգային գիտակրթական  ֆոնդ,
• Համագործակցել մարդու իրավունքների, ցեղասպանությունների ուսումնասիրության և ցեղասպանագիտության ոլորտում ներգրավված տեղական, տարածաշրջանային և միջազգային կազմակերպությունների և անձանց հետ, 
• Ուսումնասիրել ոլորտի օրենսդրությունը և նպաստել դրա կատարելագործմանը։
• Առաջադրված նպատակները կազմակերպությունն իրագործում է մարդու իրավունքների և ցեղասպանությունների ոլորտում գիտական ուսումնասիրությունների և հետազոտությունների, ֆորմալ և ոչ ֆորմալ կրթության, տեղեկատվական և խորհրդատվական գործունեության, միջազգային գիտակրթական համագործակցության, գիտաժողովների, դասընթացների, հրապարակումների, վիզուալ նյութերի՝ լուսանկարների, ֆիլմերի ցուցադրությունների միջոցով և օրենսդրությամբ չարգելված այլ ձևերով։

ՄԵՐ ԾՐԱԳՐԵՐԸ

• Զարգացնենք Ցեղասպանագիտությունը Հայաստանում
• Ճանաչիր քո իրավունքները
• Ցեղասպանության հիշողության ձայները կրթական ծրագիր
• Կորսված Հայրենիքի ապրեցնող կարոտ

Միացե՛ք մեզ !!!

Մենք կարող ենք ստեղծել տեղեկացված և արդար հասարակություն։

Դարձիր  Կամավոր- Եղիր մեր նախաձեռնությունների մի մասը և օգնիր մեզ փոփոխություն կատարել։

Դարձիր Գործընկեր- Համագործակցե՛ք մեզ հետ՝ պաշտպանելու մարդու իրավունքները և կանխելու նոր ցեղասպանությունները։

Կապ Մեզ Հետ

Էլ․ Փոստ՝ info.rgstudies@gmail.com | hrgspresident@gmail.com

Հեռախոսահամար՝+374 33211011

Էլ․Կայք՝ https://genocidestudies.am/

Facebook՝ http://fb.com/RGStudies

հասցե՝ Մանթաշյան  գրասենյակ 2, Երևան, Հայաստան

hakirch

_<<Մարդու իրավունքների և Ցեղասպանագիտության կենտրոն_>> (ՄԻՑԿ) Հասարակական կազմակերպությունը հիմնադրվել է 2018 թվականի սեպտեմբերի 11-ին Հայաստանում։

Կազմակերպության գործունեության հիմնական նպատակն է՝ գիտության զարգացման միջոցով նպաստել աշխարհում ցեղասպանությունների, զանգվածային վայրագությունների և մարդու իրավունքների խախտումների կանխարգելմանը, վերացմանը և ճանաչմանը։

<<Մարդու իրավունքների եվ Ցեղասպանագիտության կենտրոն>> Հասարակական Կազմակերպությունը Հայաստանում գործող առաջին շահույթ չհետապնդող կազմակերպությունն է, որը ուսումնասիրում է ոչ միայն Հայոց ցեղասպանությունը այլ նաև տարբեր երկրներում տեղի ունեցած ցեղասպանությունների պատմությունը՝ դրանով իսկ խթանելով հասարակության մոտ կրթության և իրազեկության բարձրացմանը մարդու իրավունքների պաշտպանության և ցեղասպանության դեմ պայքարում։

<<Մարդու իրավունքների և Ցեղասպանագիտության կենտրոն>> Հասարակական կազմակերպությունը Երևանի պետական համալսարանի Հայագիտական հետազոտությունների ինստիտուտի հետ համատեղ կազմակերպում է միջազգային գիտաժողով՝ «ՑԵՂԱՍՊԱՆՈՒԹՅՈՒՆ. ՀԻՇՈՂՈՒԹՅՈՒՆ, ՃԱՆԱՉՈՒՄ, ԿԱՆԽԱՐԳԵԼՈՒՄ» խորագրով,  որը նվիրված է ցեղասպանության կանխարգելման կարևորագույն խնդիրների լուծմանը: Գիտաժողովը տեղի կունենա 2025 թվականի դեկտեմբերի 8-ից 10-ը  Երևանում։ Գիտաժողովին մասնակցում են ավելի քան 50 առաջատար փորձագետներ, գիտնականներ և մասնագետներ՝ Գերմանիայից, Ֆրանսիայից, Ռուանդայից, Բուրունդիից, ԱՄՆ-ից, Իսրայելից, Ռուսաստանից, Շվեդիայից, Միացյալ Թագավորությունից, Ավստրալիայից և Արգենտինայից: «Ցեղասպանություն. հիշողություն, ճանաչում, կանխարգելում» թեմատիկ խորագրի ներքո գիտաժողովը նպատակ ունի խթանել երկխոսությունը, փոխանակել լավագույն փորձը և մշակել նորարարական ռազմավարություններ՝ ցեղասպանության և զանգվածային վայրագությունների դեմ պայքարելու համար: 
Գիտաժողովը կծառայի որպես կարևոր հարթակ՝ քննարկելու, թե ինչպես կարելի է օգտագործել պատմությունը, կրթությունը, առողջապահությունը և իրավական շրջանակները՝ մարդկության դեմ ապագա հանցագործությունները կանխելու համար:

ԱՌԱՋԱՐԿՎՈՂ ԹԵՄԱՏԻԿ ՆԻՍՏԵՐ
1. Ցեղասպանության կանխարգելումը, ճանաչումն ու դատապարտումը՝ միջազգային իրավունքի համատեքստում:
2. Ցեղասպանությունը՝ հիշողության հետազոտությունների, ինքնության և հոգեբանության համատեքստում:
3. Ցեղասպանությունը՝ աղբյուրագիտության, պատմության և քաղաքագիտու¬թյան համատեքստում: 
4. Ցեղասպանությունը՝ ինֆորմացիոլոգիայի և ինֆորմացիոն պատերազմների համատեքստում:

Այս գիտաժողովի առանձնահատկությունը նաև ռազմավարական ժամանակացույցն է, որը համընկնում է դեկտեմբերի 9-ին ՄԱԿ-ի «Ցեղասպանություն հանցագործության կանխման և պատժման կոնվենցիա»-յի ընդունման օրվա հետ։ Այս տարի լրանում է կոնվենցիայի ընդունման 77-ամյակը։ 
Գիտաժողովը եզակի հնարավորություն է ընձեռում Հայաստանի Հանրապետությունում ստեղծել և զարգացնել մարդու իրավունքների և ցեղասպանագիտության միջազգային գիտակրթական ֆոնդ;
Այն նաև կծառայի որպես համագործակցության հարթակ հայ հետազոտողների, ասպիրանտների և սկսնակ գիտնականների համար՝ ներկայացնելու իրենց հետազոտությունները և շփվելու միջազգային փորձագետների հետ։
Հիմնական նպատակները.
- Խթանել համագործակցությունը տեղական, տարածաշրջանային և համաշխարհային կազմակերպությունների և անհատների միջև, ովքեր աշխատում են ցեղասպանության կանխարգելման ուղղությամբ։
- Ուսումնասիրել և նպաստել մարդու իրավունքներին և ցեղասպանության կանխարգելմանը վերաբերող օրենսդրության կատարելագործմանը։
- Օգտագործել գիտական հետազոտությունները, կրթական ծրագրերը, լրատվամիջոցները և տեղեկատվական հարթակները՝ ցեղասպանության ճանաչման և կանխարգելման հիմնական նպատակները խթանելու համար։
Գիտաժողովի ներկայացված բոլոր զեկույցներն ու հոդվածները կհրապարակվեն BRILL միջազգային հրատարակչության կողմից հատուկ հատորով՝ ապահովելով ստացված գիտելիքների լայն տարածումը։